مصادر للأهل عن التربية المسيحيّة (Biblical Parenting)

مصادر للأهل عن التربية المسيحيّة (Biblical Parenting)

أبريل 25, 2020 0 By Joyce
Like it? Share it
  • 147
    Shares

 

بعرف إنّه من الصعب بهالأوقات نشتري كتب عن التربية المسيحيّة أو إنّه نلاقي وقت لنقراها. لَساعدكم بهالموضوع، حضّرتلكم قائمة بمصادر رح تفيدكم كتير. فيكم تسمعوها إنتو وعمّ تشتغلوا بالبيت أو تحطّوها عالTV  من بعد ما الأولاد يناموا وتسمعوها كأهل مع بعض، مع كباية شاي أو قهوة 😊

أنا والياس صار عندنا عادة نعمل هالشي، من وقت لوقت، من بعد ما الأولاد يناموا. بس بدل ما نسمع وعظ، منعمل فنجان سخن ومنفتح كتاب ومناخد دور بالقراءة لبعض بصوت عالي، كل ليلة فصل أو إتنين حسب طول الفصل. هالشي ساعدنا نتوحّد بفكرنا عن كتير أمور، وفتحلنا مجال نتناقش بمواضيع كتيرة ونتعرّف على بعض أكتر. بالكتب اللي خصها بالأولاد والتربية، قرايتهم مع بعض سمحتلنا نتوّحد بالطريقة اللي منربّي فيها، وساعدتنا نشوف وين تقصيرنا ونعترف فيه لبعض تنساعد وندعم بعض. والأحلى إنّه دايمًا مننهي القراية وهيدا الوقت  بالصلاة لبعض وللأولاد!

يلا خلّيني بلّش!

1. Creating Shade for Your Children Sermon Series:

هيدي الوعظة والأجزاء المرتبطة فيها هيّي من أحلى الوعظات عن التربية والأولاد اللي ممكن تسمعوها.

Creating Shade for Your Children Sermon Series, Part 2: https://www.youtube.com/watch?v=KPCgEaE1zLU

Creating Shade for Your Children Sermon Series, Part 3: https://www.youtube.com/watch?v=Nyiblll9QL8

Creating Shade for Your Children Sermon Series, Part 4: https://www.youtube.com/watch?v=jc5Co9SfFok

 

2. Parents, It’s Time to Give Up Control – Paul David Tripp:

أي شي لPaul David Tripp بيستحق ينقرا وينحَضَر! بيسأل Paul هالسؤال ببداية المحاضرة: “إذا اتفرّجت على تربايتكم لأولادكم ل 6 أسابيع، شو رح إستنتج عن أهدافكم وطموحاتكم لإلهم؟!” Ouch!

3. 5 Questions You Must Ask Your Kids – Paul Tripp:

هيدا فيديو قصير (12 دقيقة): “وقت أولادنا يعملوا شي غلط، غريزتنا بتسيطر ومنستعمل 3 أدوات أوّلها التخويف. شو منكون عمّ نجرّب نعمل؟ منكون عمّ نجرّب ننتج خوف كبير بأولادنا لنحصل على تغيير – لو لوقت قصير – بس اللي ما عمّ يتغيّر هو أساس المشكلة اللي هوّي القلب. وبتعرفوا شو؟ رح يجي وقت بحياة أولادكم اللي ما رح بيخافوا فيه منكم.” قدّيش حقيقيّة هالكلمات. بول تريب بيعطينا أساليب نستعملها بدل ما نلجأ للصوت العالي والتخويف.

4. Parental Instruction Dr Ernie Baker:

د. أُرني بايكر (Ernie Baker) هوّي قسيس، مختّص بتقديم المشورة الكتابيّة وأب لسة أولاد، فاللي عم يحكيه جايي من خبرة كبيرة. بهالمحاضرة بيحكي عن أهميّة الوقت اللي بتقضيه العيلة بالfamily devotions أو العبادة العائليّة اللي لازم يترأسها البيّ كمسؤوليته الأساسيّة. وبيسأل، “كيف بيكون البيت المشبَّع بالإنجيل” وبيجاوب على هالسؤال بطريقة عمليّة. كمان حتسمعوا من أولاده عن أهميّة هالأوقات بحياتهم وتأثيرها الإيجابي عليهم

5. Parental Discipline Dr Ernie Baker:

بيحكي د. أًرني بهالمحاضرة عن تأديب الأولاد وبذكّرنا بالهدف اللي منأدّب كرماله: التلمذة  ونضوج أولادنا ليشبهوا االمسيح. كمان بيفسّر الآية بأمثال 13: 24 “مَنْ يَمْنَعُ عَصَاهُ يَمْقُتِ ابْنَهُ، وَمَنْ أَحَبَّهُ يَطْلُبُ لَهُ التَّأْدِيبَ” وبيشرح ليش وكيف لازم نأدّب أولادنا وشو معقول يكون عمّ بدور بداخلنا وقت ما بدنا نطبّق هالوصيّة.

6. 31-Day Parenting Devotion by Rick Thomas:

هالسلسلة حلوة، بسيطة وقصيرة. ما رح تاخد أكتر من 10 دقايق للقراءة بس الأسئلة اللي بآخر كل يوم حتعطيكم مجال تتناقشوا ورح تساعدكم تفكروا بجديّة بأهدافكم ومخططاتكم لأولادكم.

https://rickthomas.net/category/devotionals/31-day-parenting-devotion/ 

*في مجال تسمعوا السلسلة بدل القراءة.

7. Jen Wilkin: Train a Child in the Way He Should Speak: Forming Future Evangelists:

8. For fun! RedeemTV (FREE!)

هيدا موقع متل Netflix بس لأفلام ومسلسلات مسيحيّة للصغار والكبار. فيه أفلام متل:

  • The Pilgrim’s Progress
  • Bonhoeffer: Agent of Grace
  • Corrie ten Boom A Faith Undefeated
  • The Cross and the Switchblade